პაროდონტიტის შედეგია კბილის საყრდენი სტრუქტურის, პაროდონტის დაკარგვა, რის შედეგადაც ვითარდება კბილების მორყევა, რამაც შეიძლება გამოიწვიოს ღეჭვის პრობლემაც. სხვა შედეგები მოიცავს ზოგად ჯანმრთელობაზე ცუდ გავლენას, უსიამოვნო სუნს პირის ღრუდან და ესთეტიურ პრობლემებს.

ღრძილების ანთების პირველადი ნიშნებია ღრძილების სიწითლე და მცირე შეშუპება, ასევე ზოგჯერ აღინიშნება სისხლდენა კბილების გახეხვის დროს.

კბილის ნადებით გამოწვეული ღრძილების ანთება იწვევს ღრძილების შეწითლებას ზოგჯერ მუქ წითელ შეფერილობამდეც, რაც გამოწვეულია ანთებით, რომელიც იწვევს შემაერთებელ ქსოვილში სისხლძარღვების გაფართოებას. ღრძილები შეიძლება იყოს შეშუპებული და ოდნავ შეხების დროსაც კი სისხლმდენი, მაგალითად, კბილების გახეხვის ან ფლოსის გამოყენების დროს.

თუმცა, თუ რეგულარულად იქნება კარგი ჰიგიენა სახლში, ეს ანთების ნიშნები ან არსებული გინგივიტი რამდენიმე დღეში გაივლის.

თუ მიუხედავად სახლის კარგი ჰიგიენისა სისხლდენა კვლავ გრძელდება, უკვე ღრძილები უნდა შემოწმდეს სტომატოლოგის მიერ შემდგომი გამოკვლევის მიზნით.

პაროდონტიტი იწვევს კბილების საყრდენი სტრუქტურის დაზიანებას და რღვევას. ეს იწვევს პაროდონტული ჯიბეების განვითარებას, რამაც შეიძლება კბილების დაკარგვაც კი გამოიწვიოს.

ანთების (პაროდონტიტი) შედეგად ზიანდება პაროდონტის ბოჭკოები და ძვალი. იქ სადაც უნდა იყოს ჯანმრთელი ბოჭკოები ახლა უკვე ვითარდება პაროდონტული ჯიბეები. აქ არსებული ფესვის ზედაპირი კი დაფარულია ბაქტერიული ბიაპკით (ნადები და ქვები).

კბილების საყრდენი სტრუქტურის დაზიანება იწვევს კბილების მორყევას. კბილები, რომლებიც ჩვეულებრივ მყარად არის ფიქსირებული ალვეოლურ ძვალში კარგავენ სტაბილურობას და ირყევიან.

თუ დაავადება დროულად არ გამოვლინდა და არ მოხდა შესაბამისი მკურნალობა, იგი პროგრესირებს და დაზიანება შეიძლება გაგრძელდეს მანამ, სანამ კბილი არ მოირყევა, ღეჭვისთვის უფუნქციო იქნება და საჭირო გახდება მისი ამოღება (ექსტრაქცია).

პირის ღრუში პირდაპირი შედეგების გარდა, პაროდონტიტი მოქმედებს სისტემურ დაავადებებზე, როგორიცაა დიაბეტი და გულ-სისხლძარღვთა დაავადებები.

პაროდონტიტის მქონე პაციენტებს აქვთ დიაბეტის განვითარების უფრო მაღალი რისკი. საბედნიეროდ, ღრძილების მკურნალობა დადებითად მოქმედებს დიაბეტის მკურნალობაზე. ეს აუცილებელს ხდის პაროდონტიტის მქონე პაციენტებმა ჩაიტარონ ტესტირება დიაბეტზე.

პაროდონტიტის მქონე პაციენტებს აქვთ ასევე გულ-სისხლძარღვთა დაავადებების განვითარების უფრო , მათ შორის გულის შეტევის, მაღალი რისკი.

ორსულებს, რომელთაც აქვთ პაროდონტიტი ორსულობის დროს, ნაადრევი მშობიარობის უფრო მაღალ რისკ ჯგუფში არიან, და ასევე აქვთ დაბალწონიანი ნაყოფის დაბადების და პრეკლამფსიის განვითარების უფრო მაღალი რისკი.

პაროდონტიტის გამო მორყეულმა კბილებმა შეიძლება გამოიწვიოს ღეჭვის პრობლემები; ჭამის შემდეგ კბილებს შორის დარჩენილმა საკვების ნარჩენებმა შეიძლება გამოიწვიოს ყრუ ტკივილიც.

პაროდონტიტის შედეგად ადგილი აქვს კბილის საყრდენი სტრუქტურის დაზიანებას და ზოგჯერ კბილის დაკარგვასაც კი. მორყეული კბილები ვეღარ უძლებენ მექანიკურ დატვირთვას და შეიძლება გამოიწვიოს ღეჭვის პრობლემები. იმის გამო, რომ პაროდონტიტი ნელა პროგრესირებს და ყოველთვის ერთნაირად არ მოქმედებს ყველა კბილზე პაციენტები ეჩვევიან ამ მდგომარეობას და იცვლიან ღეჭვის ჩვევებს, რომ შეძლონ საკვების დაღეჭვა. მაშინ, როდესაც უკვე პაროდონტის ქსოვილი ძლიერ დაზიანებულია და ზოგიერთი კბილი დაკარგულია ასეთი ადამიანები უპირატესობას ანიჭებენ რბილ ან წვიან საკვებს.

იმის გამო, რომ ღძილები იკუმშება, კბილებს შორის ჩნდება სივრცეები და ამ კბილთაშორის სივრცეებში საკვების მიღების შემდეგ რჩება ნამცეცები . ამან ზოგჯერ შეიძლება გამოიწვიოს ყრუ ტკივილი და ადამიანი ყოველთვის ცდილობს გაისუფთავოს ეს სივრცეები კბილის ჩხირის გამოყენებით.

პაროდონტიტის გამო გადანაცვლებულმა კბილებმა შეიძლება გამოიწვიოს პრობლემები მეტყველების, სიმღერის ან ჩასაბერ ინსტრუმენტებზე დაკვრის დროს.

პაროდონტიტის გამო გადანაცვლებულმა კბილებმა შეიძლება გაართულოს გარკვევით საუბარი. ამით განსაკუთრებით შეიძლება დაზარალდნენ ადამიანები, რომლთა პროფესიული საქმიანობა დაკავშირებულია გამართულ მეტყველებასთან, მაგალითად, მსახიობები ან რადიოწამყვანები. ასევე მნიშვნელოვანია მომღერლებისთვის და მუსიკოსებისთვის, რომლებიც უკრავენ ჩასაბერ ინსტრუმენტებზე კბილებმა არ შეიცვალოს მდებარეობა.

თუ პაროდონტიტის გამო, აღინიშნება ზედა ფრონტალური კბილების დაზიანება და გადანაცვლება, წარმოქმნილმა სივრცეებმა შეიძლება გამოიწვიოს პრობლემები საუბრის, სიმღერის ან ჩასაბერი ინსრუმენტებზე დაკვრისას. განსაკუთრებით “ს” ასოს მსგავსი სიბილანტები ვეღარ წარმოითქმის ნათლად.

გოგირდის აქროლადმა ნაერთებმა პირის ღრუში შეიძლება გამოიწვიოს ცუდი სუნი. მხოლოდ პროფესიონალური ჰიგიენური წმენდა დაგვეხმარება.

ღრძილების მკურნალობის დაწყებამდე პაროდონტიტის მქონე პაციენტებს აღენიშნებათ ნადები და ქვები, როგორც ღრძილზემოთ ასევე ღრძილქვეშაც. ნადები იწვევს ღრძილების ანთებას და ასევე ცუდ სუნს პირის ღრუდან. ბაქტერიები რომლებიც იწვევენ პაროდონტიტს, განსაკუთრებით აქტიურდებიან პაროდონტულ ჯიბის სიღრმეში და წარმოქმნის უსიამოვნო სუნის მქონე გოგირდის ნაერთებს, რომელთა დაშლისას გამოიყოფა ცუდი სუნი პირის ღრუდან.

უსიამოვნო სუნი ქრება მხოლოდ კბილების პროფესიონალური გაწმენდის და სახლის კარგი ჰიგიენური ჩვევების დანერგვის შემდეგ.

პაროდონტიტის მქონე პირებს აწუხებთ ვიზუალური, ესთეტიკის პრობლემები ღრძილების მოცულობაში შემცირების და კბილებს შორის სივრცეების გაჩენის გამო.

პაროდონტიტის მქონე ადამიანებს აქვთ გარეგნობის (ესთეტიკური) პრობლემები. ეს დაკავშირებულია ერთის მხრივ, ანთებასთან რის გამოც ღრძილები გაწითლებულია და მეორეს მხრივ, ღრძილების დაწევის გამო კბილის გვირგვინოვანი ნაწილის გარდა ფესვიც ჩანს. ეს კარგად შესამჩნევია რადგან ფესვი გვირგვინზე უფრო მუქი ფერია.

კბილების საყრდენი აპარატის დაზიანების გამო, კბილები ხშირად გადანაცვლდებიან და მათ შორის ჩნდება სივრცეები, რაც ვიზუალურად არაესთეტიკურად და არაჯანსაღად აღიქმება. პაროდონტიტის რთული ფორმების დროს კბილების დაკარგვა ასევე იწვევს ესთეტიკურ დისკომფორტს.

You can use all our content for your own productions while acknowledging the Creative Commons License:

Attribution-NonCommercial-ShareAlike 4.0
https://creativecommons.org/licenses/by-nc-sa/4.0/deed.en